/KASE, 25.04.23/ – Бұдан бұрын хабарланғандай, бүгін Қазақстан қор
биржасының (KASE немесе Биржа) сауда-саттық жүйесінде "Онлайн
Қазқаржы МҚҰ" АҚ (Алматы) KZ2C00009728 (KASE баламалы алаңы,
"коммерциялық облигациялар" санаты, MFOKb10; 1 000 теңге, 3,0 млрд;
20.04.23 – 20.04.24; ай сайынғы купон; жылдық 21,00 %; 30/360)
облигацияларына жазылу арқылы бастапқы орналастыру жүргізіледі.
Көрсетілген облигацияларға жазылу кезінде сатушы ретінде "Банк
ЦентрКредит" АҚ еншілес ұйымы – "BCC Invest" АҚ (Алматы) (бұдан әрі –
Сатушы) әрекет етеді.
Орналастырылатын облигациялардың номиналды көлемі – 1 000 000 000 теңге.
Жазылым шеңберінде өтінімдерді қабылдау 2023 жылдың 25 сәуірінде
Астана қаласы уақытымен сағат 10:30-дан 11:30-ға дейін жүргізіледі.
Жазылым аясында тек шектелімді өтінімдер қабылданады.
Биржа қабылдаған өтінімдер тізілімін Сатушыға беру күні – 2023 жылдың
25 сәуірі; Сатушының қанағаттандырылған өтінімдер тізілімін Биржаға беру
күні – 2023 жылдың 25 сәуірі; есеп айырысуды жүзеге асыру күні мен
уақыты – 2023 жылдың 25 сәуірі, Астана қ. уақытымен 13:30-да. Есеп
айырысуларды "Бағалы қағаздардың орталық депозитарийі" АҚ жүзеге
асырады
Жазылымға қатысу үшін өтінімдер биржаға тек "қор"санатындағы KASE
мүшелері арқылы беріледі. Санаттар бойынша KASE мүшелерінің толық
тізімі
http://kase.kz/ru/membership сілтемесі бойынша жарияланған.
Осы жазылымды жүргізу шарттарына сәйкес көрсетілген облигацияларды
Сатушыға ашылатын инвестор туралы қосымша ақпарат ретінде келесі
мәліметтер беріледі:
1) жеке тұлғаның тегі, аты, әкесінің аты (бар болса) немесе заңды
тұлғаның атауы;
2) жеке тұлғаның ЖСН немесе заңды тұлғаның БСН.
Бағалы қағаздарға жазылуды жүргізу қағидалары KASE интернет-
ресурсында
http://kase.kz/files/normative_base/rules_ipo.pdf сілтемесі
бойынша жарияланған.
Аталған облигациялардың шығарылымы туралы толығырақ ақпарат
https://kase.kz/ru/bonds/show/MFOKb10/ сілтемесі бойынша жарияланған.
[2023-04-25]