/KASE, 09.12.22/ – Бағалы қағаздары Қазақстан қор биржасының (KASE)
ресми тізімінде тұрған "ҚазМұнайГаз" Ұлттық компаниясы " АҚ (Астана) KASE-
ге 2022 жылдың 06 желтоқсанындағы баспасөз хабарламасын ұсынды, онда
мыналар хабарланады:
...
«Самұрық-Қазына» АҚ (Қор) және «ҚазМұнайГаз» ҰК АҚ (ҚМГ) «Астана»
Халықаралық қаржы орталығының биржасы (Astana International Exchange,
AIX) мен Қазақстан қор биржасында (KASE) IPO аясында 2022 жылдың
2 желтоқсанында аяқталған ҚМГ акцияларына жазылудың қорытындысын
жариялайды.
Жазылу кезеңінде инвесторлардан 181 млрд теңгеден астам жалпы сомаға
129 мың өтінім келіп түсті. Осы өтінімдерді талдау нәтижесінде 153 млрд
теңгеден астам сомаға өтінімдерді қарастыру туралы шешім қабылданды.
Айырмашылық келіп түскен өтінімдерді талдаудың бұған дейін жарияланған
мақсатқа сәйкес, жекелеген ірі инвесторлардың қолында акциялардың
қомақты пакетінің шоғырлануын болдырмау үшін бірқатар өтінімдердің толық
көлемде қарастырылмағанымен түсіндіріледі. Қазақстан Республикасы
азаматтарының акцияларды сатып алуға берген өтінімдері толық көлемде
мақұлданды.
Осылайша, аталмыш IPO барысында Қор «ҚазМұнайГаздың» 18 303 584 (он
сегіз миллион үш жүз үш мың бес жүз сексен төрт) жай акциясын сатады, бұл
ҚМГ-нің ұсынылған жай акцияларының жалпы санының 3%-ын құрайды.
Инвесторлар өтінімдері төмендегідей бөлінді:
Қазақстан азаматтарының өтінімдері – шамамен 74,6 млрд теңге (48,5%)
сомасында;
• қазақстандық заңды тұлғалардың өтінімдері – шамамен 72,7
млрд теңге (47,2%) сомасында;
• шетелдік жеке және заңды тұлғалардың өтінімдері – шамамен 6,6 млрд теңге
(4,3%) сомасында.
Қабылданатын өтінімдерді анықтау барысында Қазақстан Республикасының
азаматтарынан келіп түскен өтінімдерге басымдық берілді, олардың
өтінімдері қарастырылғаннан кейін (толық көлемде) қалған тұлғалардың
өтінімдерін қарастыру туралы шешім қабылданды.
...
Толық нұсқасы KASE интернет-сайтында
https://kase.kz/files/emitters/KMGZ/kmgz_relizs_061222_kz.pdf жарияланған.
[2022-12-09]