/KASE, 30.09.22/ – Облигациялары Қазақстан қор биржасының (KASE) ресми
тізімінде тұрған "Қазақстан даму банкі" АҚ (Нұр-Сұлтан) KASE-ге
Директорлар кеңесінің 2022 жылдың 30 қыркүйегіндегі шешімі туралы
хабарлады:
цитата басы
29 қыркүйекте Қанат Шарлапаевтың төрағалығымен "Қазақстанның Даму
Банкі" АҚ (бұдан әрі – Банк, Даму Банкі, ҚДБ) Директорлар кеңесінің
отырысы өтті.
Банктің Директорлар кеңесі Тәжікстан мен Өзбекстанға өңдеу өнеркәсібі
өнімдерінің экспортын ынталандыруға бағытталған экспорттық сауданы
қаржыландыру бойынша екі мәмілені мақұлдады.
Бұл операциялар "Qazaq Astyq Group" ЖШС, "Сей-Нар" ӨК" ЖШС және
басқалары сияқты тамақ өнеркәсібі кәсіпорындарының экспорт көлемін
ұлғайтуға мүмкіндік береді.
Сондай-ақ Директорлар кеңесінің отырысында 2022 жылдың екінші
тоқсанының қорытындысы бойынша "Қазақстанның Даму Банкі" АҚ
2019-2023 жылдарға арналған Даму жоспарының орындалуы жөніндегі
есепті бекіту және банктің еншілес ұйымы – "Өнеркәсіпті дамыту қоры" АҚ
Басқарма төрағасын тағайындау мәселелері қаралды. Шешіммен ӨДҚ-ның
қазіргі басшысы Нұрлан Серікұлы Байбазаров қайта сайланды.
цитата соңы
Баспасөз хабарламасының толық нұсқасы –
https://kase.kz/files/emitters/BRKZ/brkz_relizs_300922.pdf
[2022-09-30]