/KASE,20.09.22/ – 2022 жылдың 21 қыркүйегінде Қазақстан қор
биржасының (KASE) сауда-саттық жүйесінде Шығыс Қазақстан облысының
жергілікті атқарушы органының 7 180 588 дана мөлшерінде KZMJ00001386
("мемлекеттік бағалы қағаздар" секторы; VKK018_138; 1 000 теңге,
7 180 588 000,00 теңге; 18 ай, жартыжылдық купон, жылдық 4,25%; 30/360)
облигацияларын орналастыру бойынша мамандандырылған сауда-саттық
өткізіледі.
Өтінімдерді қабылдау Нұр-Сұлтан қ. уақытымен 14:00-ден 15:30-ға дейін,
есептесулерді жүзеге асыру уақыты – Нұр-Сұлтан қ. уақытымен 16:00-ден
бастап жүзеге асырылады.
Баға ретінде өтінімде бағалы қағаздың номиналды құнынан пайызбен
көрсетілген, үтірден кейінгі төртінші белгіге дейінгі дәлдікпен
облигациялардың "таза емес" бағасы (жинақталған сыйақыны қоспағанда)
көрсетілуі тиіс.
Қаржы құралдарының саны ретінде өтінімде облигациялардың саны
данамен көрсетілуі тиіс. Өтінімдегі қаржы құралының саны лоттың
мөлшеріне тең немесе еселі болуы тиіс. Лот мөлшері – 1 облигация.
Өтінімнің көлемі ретінде өтінімде көрсетілген облигациялар санының және
бір облигацияның "таза емес" бағасының туындысы (жинақталған
сыйақысын қосып) көрсетілуі тиіс.
Сауда-саттыққа KASE сауда-саттық жүйесіне жабық тәсілмен берілген
шектелімді өтінімдер ғана қабылданады. Өтінімдерді қанағаттандыру тәсілі:
бірыңғай кесімді баға бойынша, қарсы өтінімдерді қабылдау уақыты
бойынша.
Сауда-саттыққа қатысу үшін өтінімді KASE қор нарығының мүшелері ғана
бере алады. Басқа инвесторлар осы заңды тұлғалар арқылы өтінім бере
алады, KASE қор нарығы мүшелерінің тізімі
https://kase.kz/ru/membership
сілтемесі бойынша жарияланған.
Республикалық маңызы бар қаланың, астананың жергілікті атқарушы
органының ішкі нарықта айналысқа жіберу үшін бағалы қағаздарды шығару
ережелері
https://kase.kz/files/mix/post_1520.pdf сілтемесі бойынша
жарияланған.
Сауда-клирингілік жүйелерде сауда-саттықты өткізу әдістері туралы
қағиданың мәтіні
https://kase.kz/files/normative_base/methods_ASTS.pdf
сілтеме бойынша жарияланған.
Аталмыш облигациялардың шығарылымы туралы нақты ақпарат
https://kase.kz/ru/gsecs/show/VKK018_138/ сілтемесі бойынша.
[2022-09-20]