/KASE, 14.12.20/ – Облигациялары Қазақстан қор биржасының (KASE)
ресми тізімінде тұрған, "Қазақстанның Даму Банкі" (Нұр-Сұлтан) Биржаға
жолдаған 2020 жылдың 14 желтоқсанындағы баспасөз мәлімдемесінің
толық нұсқасын ұсынды:
цитата басы
«Макинск құс фабрикасы» ЖШС Кус&Вкус маркасымен бройлерлер өсіру
бойынша өндірістің екінші кезегін іске қосты, бұл өндіріс көлемін ұлғайтуға
және құс еті импортының үлесін қазіргі 50,4% - дан 32,6% - ға дейін
төмендетуге мүмкіндік береді. Жоба «Қазақстанның Даму Банкі» АҚ (ҚДБ,
Банк, «Бәйтерек» холдингінің еншілес құрылымы) қатысуымен іске
асырылуда. Проект ҚР индустриалды-инновациялық даму мемлекеттік
бағдарламасы шеңберінде салынды.
Екінші кезек өндіріс қуатын жылына 25-тен 56 мың тоннаға дейін арттыруды
көздейді. Құс фабрикасында 12 құс қорадан төрт бройлерлік алаң қосылды,
сондай-ақ инкубатормен, жемшөп цехымен және құс етін өңдеу зауытымен
және ет-сүйек бөлімшесімен толық жабдықталды.
Бүгінгі таңда құс фабрикасы бройлер балапандарының етін, жартылай
фабрикаттар мен құс етінен жасалған субөнімдерді шығарады, өнімдер
халық арасында үлкен сұранысқа ие. Құс фабрикасының өкілдері
қуаттылықтың артуы елдің импортын алмастыруға және халықтың
салқындатылған етті тұтынуының өсуіне тағы бір үлес қосатынын атап өтті.
Макинск құс фабрикасының жалпы өткізу көлемі 2021 жылы 85 000 тоннадан
астам тауық еті өнімін құрайды. Бұл ҚР тұтыну көлемінің 22% құрайды.
цитата соңы
Баспасөз хабарламасының толық нұсқасы –
https://kase.kz/files/emitters/BRKZ/brkz_reliz_141220_1.pdf
[2020-12-14]