"Самұрық-Энерго" АҚ COVID-19 бойынша карантин жағдайында холдинг кәсіпорындарының жұмысы туралы хабарлады
13.05.20 12:20
/KASE, 13.05.20/ – Облигациялары Қазақстан қор биржасының (KASE)
ресми тізімінде тұрған, "Самұрық-Энерго" АҚ (Нұр-Сұлтан), Биржаға
жолдаған 2020 жылдың 13 мамырындағы хабарламасында былай деп
мәлімдеді:
цитатаның басы
Коронавирус індеті қазақстандық энергетиктердің кәсіби шеберлігін және
қолда бар жабдықтың тозығы жеткеніне қарамастан, саланың жоғары
ұйымшылдық мүмкіндігін көрсетті.
ТЖ режимі кезінде "Самұрық-Энерго" АҚ-ның Екібастұз энергия кешеніндегі
кәсіпорындарда КВИ-дің 11 расталған жағдайы тіркелді. Бүгінгі таңда 2
жұмыскер сауығып шықты, 272 адам үй жағдайындағы карантинде. Бұл
жерде сөз "Богатырь Көмір" ЖШС, "Б.Нұржанов атындағы Екібастұз ГРЭС-1"
ЖШС және "Екібастұз ГРЭС-2 станциясы" АҚ туралы болып отыр.
Бүгінгі таңда электр энергетикалық холдинг - "Самұрық-Энерго" АҚ-ның
өндіруші, жіберуші және бөліп-таратушы компаниялары штаттық режимде
жұмыс істеп, тұтынушыларға электр энергиясын жеткізіп беру және көмір
жөнелту жөніндегі өздерінің міндеттемелерін толығымен
орындауда. Төтенше жағдай режимі кезінде, 2020 жылғы наурыз - 11
мамыр аралығында "Самұрық-Энерго" АҚ- ның электр станциялары
өндірген электр энергиясының көлемі 4 984 109 мың кВтсағатты, сол
кезеңде сатылған көмірдің көлемі 9 462 590 тоннаны құрады. ГРЭС-1,
ГРЭС-2 және АлЭС тұтынушыларға 1 млн. Гкал. астам көлемде жылу
жіберілуін қамтамасыз етті.
цитатаның соңы
[2020-05-13]