/KASE, 01.02.17/ – Бағалы қағаздары Қазақстан қор биржасының (KASE)
ресми тізімінде тұрған, "Казкоммерцбанк" АҚ (Алматы), биржаға жолдаған
баспасөз хабарламасында:
цитата басы
QAZKOM Даму қорының бес жаңа арнайы бағдарламалардың негізгі
операторы ретінде Астана мен Алматының шағын және орта кәсіпкерлеріне
несие бере бастады. Бұл бағдарламаларды іс-жүзіне асыру үшін Даму
қорымен бөлінген 5 млрд теңгенің 3,7 млрд теңгеге жуығы
Қазкоммерцбанктің клиенттеріне берілетін болады.
Бұл қаражат банкке 7 жылдық мерзімге ақылы әрі қайтарылмалы түрде
берілді. Аталған бағдарламалардың ерекшелігі бизнестің жаңа бағыттары -
«стартаптар», инновациялық, ғылыми және технологиялық шешімдер,
сондай-ақ ірі мегаполистер үшін маңызды болып табылатын жобалар -
өңдеу және тамақ өнеркәсібі, сервис және инфрақұрылым салалары
қаржыландырылады.
цитата соңы
Толық ақпаратпен KASE интернет-сайтында –
http://www.kase.kz/files/emitters/KKGB/kkgb_reliz_010217_1.pdf мекен-
жайында танысуға болады.
[2017-02-01]