"Сбербанк России" Еншілес Банкі АҚ Қазақстан Республикасының индустриялдық-инновациялық жобаларын 15,7 млрд теңгеге қаржыландырғаны туралы хабарлады

/KASE, 31.07.14/ – Облигациялар Қазақстан қор биржасының (KASE) ресми тізімінде тұрған "Сбербанк России" Еншілес Банкі АҚ (Алматы), биржаға (KASE), 2014 жылдың 31 шілдесіндегі баспасөз-хабарламасын ұсынды: цитата басы 15,7 миллиард теңгеге елдің индустриалды-инновациялық жобаларын қаржыландырды 11 миллиард теңгені банкаралық кредиттеу бағдарламасы аясында Қазақстан Даму банкі (ҚДБ) ұсынды, тағы 4,7 млрд. – Сбербанктің өзінің қаражаты. Машина жасау, металлургия, химия, мұнай химия, тамақ өнеркәсібі сияқты салаларда жалпы 15,7 млрд. теңгеге жобалар қаржыландырылды. "Біз Қазақстан Даму банкіне сенім білдіргені үшін алғыс айтамыз. ҚДБ бөлген қаражатты жоспарланған мерзімнен бұрын игере алдық. Сбербанк елдің экономикасының тұрақты дамуына қызығушылық танытады және әрқашанда отандық өндірушілерге қолдау көрсетуге дайын. Бұл қаражат кәсіпорындардың айналым капиталын толықтыруға, жаңа өндірістерді құруға және жұмыс істеп жатқан өндірістерді кеңейтуге жіберілді", - деп атап өтті Қазақстандағы Сбербанктің Басқарма төрағасы Александр Камалов. "Банктің 2013 жылдың соңында «Бәйтерек» Ұлттық басқарушы холдингінің бастамасы бойынша Даму банкі іске қосқан банкаралық кредиттеу бағдарламасы алғашқы нәтижелерін беріп жатыр: жаңа өндірістер ашылды, жұмыс орындары құрылды. Біз осы бағытта коммерциялық банктермен ынтымақтастықты кеңейтуге ниеттеніп отырмыз. Біз серіктестеріміздің арасында ҚДБ-ға Қазақстанда корпоративтік қаржыландыруды дамытуға белсенді көмектесіп жүрген Сбербанкті көруге қуаныштымыз", - деп мәлімдеді ҚДБ Басқарма төрағасының м.а. Асқар Достияров. цитата соңы [2014-07-31]