/KASE, 24.04.13, 22.04.13 жаңалығын қайталау/ – Қазақстан қор биржасы
(KASE) хабарлайды: KASE сауда-саттық жүйесінде 2013 жылдың 25
сәуірінде Еуразиялық даму банкінің (Астана) KZP02Y05E382 (1 000
теңге, 40,0 млрд теңге; 5 жыл; осы сауда-саттық нәтижесі бойынша
анықталатын, жылдық купон, 30/360) облигацияларын орналастыру
бойынша арнайы мамандандырылған сауда-саттық өткізіледі.
Арнайы мамандандырылған сауда-саттық KASE ресми тізіміндегі
"Халықаралық қаржы ұйымдарының бағалы қағаздары"
секторындағы аталмыш облигациялар айналымға жіберілген
жағдайда жүргізіледі. Іске қосу туралы қосымша хабарланады.
Аталмыш облигациялардың шығарылымы Еуразиялық даму банкінің,
Қазақстан Республикасы Ұлттық Банкінің Қаржы нарығын және қаржы
ұйымдарын бақылау мен қадағалау комитетімен 2012 жылдың
11 желтоқсанында 150,0 млрд теңге сомасына тіркеген, бірінші
облигациялық бағдарламасының бірінші шығарылымы болып табылады.
Арнайы мамандандырылған сауда-саттықта сатушысы "Қазақстан Халық
Банкінің еншілес ұйымы "Halyk Finance" АҚ (Алматы) болады.
Орналастырудың жарияланған көлемі KZP01Y05E382
облигациясының (жарияланған облигациялардың жалпы көлемінен
37,5 %) 15 000 000 данасын құрайды.
Арнайы мамандандырылған сауда-саттық KASE сауда-саттық жүйесінде
Алматы уақыты (ALT) 11:30-дан 14:30-ға дейін өткізіледі. Бағалы
қағаздың сауда-саттықтағы коды – EABRK250418. Сатып алушы кесімді
бағаны сауда-саттық күні ALT 15:30- ға дейін анықтайды.
Есептесулер "Орталық бағалы қағаздар депозитарийі" АҚ (Алматы)
ережелер жинағына сәйкес жүзеге асырылады. Бағалы қағаздарды сатып
алушысы сатып алынған бағалы қағаздарға төлейтін ақшаның "Орталық
бағалы қағаздар депозитарийі" акционерлік қоғамындағы корреспондеттік
есеп-шотында 14:30-да ALT (Т+0) бар болуын қамтамасыз етуі тиіс.
Сауда-саттыққа тек KASE сауда-саттық жүйесіне жабық тәсілмен
берілген, нарықтық және шектелімді өтінімдер ғана қабылданады.
Нарықтың өтінімдерді қанағаттандыру деңгейі – 70 %.
Өтінімде көрсетілетін баға ретінде, үтірден кейінгі екінші таңбасына дейін
дәл көрсетілген, бағалы қағаздың атаулы құнын пайызбен көрсетілген,
облигацияның купон мөлшерлемесінің мәні белгіленуі тиіс. Өтінім көлемі
ретінде өтінімде көрсетілген облигациялар санынан көрсетілген,
облигациялардың жиынтық номиналды құны көрсетілуі тиіс.
Мәміленің көлемі, өтінімде көрсетілген, номиналдық құнның
облигациялар санына көбейтіндісі арқылы анықталады.
Сатып алу өтінімдерін қанағаттандыру тәсілі – кесімді баға бойынша.
Сауда-саттыққа қатысуға тек KASE қор нарығының мүшелері өтінімдер
бере алады. Өзге инвесторлар осы заңды тұлғалар арқылы өтінім бере
алады.
KASE қор нарығы мүшелерінің толық тізімі
http://www.kase.kz/kz/membership мекен-жайы бойынша жарияланған.
Сауда-саттық өткізу әдістері туралы қағида
http://www.kase.kz/files/normative_base/methods.pdf мекен-жайы бойынша
жарияланған.
Аталмыш облигациялардың шығарылым аңдатпасымен
http://www.kase.kz/files/emitters/EABR/eabrf4_2012.pdf мекен-жайы бойынша
танысуға болады.
[2013-04-24]