12 сәуірде Қазақстан қор биржасында "REAL-INVEST.kz" қаржы компаниясы" АҚ (Қазақстан) өзінің 604,6 млн KZ2C0Y05C747 (KZ2C00000289, REALb1) облигациясын жылдық 10,0% орналастырды

/KASE, 12.04.13/ – Бүгін Қазақстан қор биржасының (KASE) сауда жүйесінде "REAL-INVEST.kz" қаржы компаниясы" АҚ (Алматы) субординацияланған KZ2C0Y05C747 (KZ2C00000289, KASE ресми тізімі, "Рейтингілік бағалауы бар борыштық бағалы қағаздар" санаты, REALb1; 1 теңге, 5,0 млрд теңге; 30.05.08 – 30.05.13, индекстелген жарты жылдық купон 10,00 %; 30/360) облигацияларын орналастыру бойынша арнайы мамандандырылған сауда-саттық өтті. Эмитент сауда-саттықта KZ2C0Y05C747 1 895 160 800 облигациясын орналастыруды жоспарлаған (осы шығарылымның жарияланған облигацияларының жалпы санының 50,0 %). Бағалы қағаздың номиналды құнының үтірден кейін төртінші таңбасына дейін дәл көрсетіліп, пайызбен берілген облигациялардың "таза бағасы" (жиналған сыйақыны есептемегенде) сауда-саттықтың мәні болды. Орналастыруға қатысу туралы өтінімдер жабық әдіспен алматы уақытымен (ALT) 11:30 бастап 13:00 дейін берілді. Сауда-саттыққа тек шектелімді өтінімдер ғана қабылданды. Сатып алу туралы өтінімдерді қанағаттандыру тәсілі – кесімді баға бойынша немесе сатушыға ұтымдырақ болып табылатын өтінім бағасымен. Есептесу схемасы – Т+0. Сауда-саттыққа KASE екі мүшесі қатысты, олар төрт өтінім берді, солардың ішінде 604 839 200 облигация сатып алуға берілген өтінімдер өтінімдер қабылдау кезеңінінің аяқталу сәтінде белсенді болып қалды. Осылайша, сауда-саттықтағы сұраныс ұсыныстың 31,9 % құрады. Берілген өтінімдердегі "таза баға" 99,9740 % (жылдық 9,9997 %) тең болды. Белсенді өтінімдердің барлық көлемі брокерлік-дилерлік компаниялардың үлесінде болды. Сауда-саттықтың нәтижелері бойынша эмитент кесімді бағаны көрсетілген деңгейде бекітті, және барлық облигацияларды толық көлемде қанағаттандырды. Осы орайда тартылған сома 626 663 938,11 теңгені құрады. [2013-04-12]