2012 жылдың 04 желтоқсанынан бастап "Шұбаркөл көмір" АҚ (Қазақстан) KZ1C49620012 (KZ1C00000124, SHUK) жай акциялары эмитент бастамасымен KASE ресми тізімінен шығарылды
30.11.12 16:46
/KASE, 30.11.12/ – Қазақстан қор биржасы (KASE) Листингілік
комиссиясының шешімімен 2012 жылдың 04 желтоқсанынан бастап
"Шұбаркөл көмір" АҚ (Қарағанды, одан әрі - компания) KZ1C49620012
(KZ1C00000124, SHUK) жай акциялары эмитент бастамасымен KASE
ресми тізімінен шығарылды.
KASE 2012 жылдың 15 қарашасындағы тұжырымында айтылғандай,
2012 жылдың 14 қарашасында KASE компаниядан келесі құжаттарын алды:
- аталмыш акциялардың ерікті делистингі туралы 2012 жылдың
09 қарашасындағы өтініші;
- аталмыш акцияларды ұстаушылардың тізілім жүйесінен үзінді көшірме,
онда 2012 жылдың 05 қарашасындағы жағдай бойынша компания
акционерлері екі заңды тұлға болып табылады;
- компанияның акционерлерінің 2012 жылдың 26 қазанындағы аталмыш
акцияларды ерікті делистингілеу туралы шешімінің көшірмесі
Жоғарыда айтылғанның негізінде және "Листингілік ережелер" атты KASE
ішкі құжатының 19 бабы 1 тармағының 1) тармақшасына сәйкес аталмыш
акциялар делистингіленді.
Аталмыш акциялар Алматы қаласының қаржы орталығының аймақтық сауда
алаңының ресми тізіміне екінші санат бойынша 2008 жылдың 31 қазанынан
бастап енгізілген, 2009 жылдың 09 қарашасынан бастап KASE ресми
тізімінің екінші санатына ауыстырылды, ал 2010 жылдың 30 наурызынан
бастап KASE ресми тізімінің үшінші санатына ауыстырылды. Олардың
сауда-саттығы 2009 жылдың 12 ақпанынан бастап ашылды.
Аталмыш акциялардың биржада айналыста болу мерзімінде олармен ашық
сауда-саттық тәсілімен бір акцияға 30 000,00-ден 40 551,00-ге дейін жетіп
отырды.
[2012-11-30]