ҚҰБ ҚҚК "Еуразиялық банк" АҚ (Қазақстан) акцияларын орналастыру нәтижелері туралы есебін бекітті
04.09.12 16:20
/KASE, 04.09.12/ – Бағалы қағаздары Қазақстан қор биржасының (KASE
немесе Биржа) ресми тізімінде тұрған "Еуразиялық банк" АҚ (Алматы,
бұдан әрі - банк), биржаға Қазақстан Республикасы Ұлттық Банкінің Қаржы
нарығын және қаржы ұйымдарын бақылау және қадағалау комитетінің (ҚҰБ
ҚҚК) 2012 жылдың 24 тамызындағы мәлімдемесінің көшірмесін ұсынды.
Аталмыш құжатқа сәйкес:
- ҚҰБ ҚҚК банктің акцияларын орналастыру нәтижелері туралы есебін
бекітті;
- шығарылым 33 000 000 жай акцияға және 3 000 000 артықшылықты
акцияға бөлінген;
- банктің акцияларының шығарылымы Эмиссиялық бағалы қағаздардың
мемлекеттік тізіліміне А3155 нөмірімен енгізілді;
- 2012 жылдың 18 маусымындағы жағдай бойынша банктің 16 788 867
жай және 3 000 000 артықшылықты акциясы орналастырылмаған, оның
жарғылық капиталы 30 110 207 088,60 теңге мөлшерінде қалыптасты.