16 ақпанда биржаның сауда-саттық жүйесінде бір қағазға 215 000,00 теңге бағасымен "Региональное" ақ (Қазақстан) 13,6 мың KZ1C54270018 (KZ1C00000710, сауда-саттық коды – RGNL2) жай акциясы сатылды

/KASE, 16.02.12/ – 2012 жылдың 16 ақпанында KASE сауда-саттық жүйесінде "Региональное" АҚ (Алматы) KZ1C54270018 (KZ1C00000710, KASE ресми тізімі, үшінші санат, RGNL2) жай акцияларын сату бойынша арнайы мамандандырылған сауда-саттық өткізілді деп Қазақстан қор биржасы (KASE) хабарлайды. Арнайы мамандандырылған сауда-саттықтағы сатушысы "АТФ Финанс" АҚ (Алматы) болды. "Региональное" АҚ жай акцияларының осы кездегі жарияланған жалпы саны 3 629 300 дана, оның ішінде 52 000 данасы орналастырылған. Сатуға ұсынылған көлемі 13 572 жай акцияны құрады (орналастырылған акциялардың жалпы санының 26,1 %). Сауда-саттықтағы бағалы қағаздың коды – RGNL2. Сауда-саттыққа Биржаның екі мүшесі - өз клиентінің мүддесі бойынша қызмет ететін брокерлік-дилерлік ұйым қатысты, олар бір қағазға тиісінше 215 000,00 және 130 000,00 теңге бағасымен 13 572 және 8 акция сатып алуға екі өтінім жасады. Сауда-саттық қорытындылары бойынша сатушы 13 572 акцияны сатып алуға берілген өтінімді қанағаттандырды. Сатып алу сомасы 2 917 980 000,00 теңгені құрады (баламасы 19 700 108,02 АҚШ долларына тең).