/KASE, 15.02.12/ – Бағалы қағаздары Қазақстан қор биржасының (KASE)
ресми тізімінде тұрған "Kaspi Bank" АҚ (Алматы), биржаға 2012 жылдың
14 ақпанындағы баспасөз-хабарламасын жолдап, былай деп хабарлады:
цитата басы
2011 жылы kaspi bank-тің өнімдері мен қызметтерін 2 миллионнан
астам қазақстандық пайдаланды. Қарапайым өнімдерге, жаңа
бөлімшелер ашуға және қызмет көрсету сапасын жақсартуға сүйене
отырып, осындай нәтижеге қол жеткізілді.
2011 жыл бойы kaspi bank 2 миллионнан астам қазақстандықтарға банк
өнімдері мен қызметтерін ұсынды.
Өткен жылдың қорытындысы бойынша kaspi bank сатылым желісін кеңейту
бойынша көшбасшы атанды, бүгінгі таңда банктің сатылым желісі 650-ден
астам филиалдан, бөлімшеден және сату орындарынан тұрады.
2011 жыл бойы банк барынша белсенді жұмыс берушілердің бірі болды,
өйткені Қазақстандағы жоғары оқу орындарының түлектері үшін жаңа
1 200 жұмыс орнын ашты. Қазіргі таңда kaspi bank қызметкерлерінің
саны – 5 000-нан астам адам.
- Депозиттер 24%-ға артып, 322 млрд. теңгені құрады.
- Таза несие портфелі 20%-ға өсіп, 324 млрд. теңгені құрады.
- kaspi bank-тің таза пайдасы 2010 жылғы 2.2 млрд. теңгемен
салыстырғанда 2011 жылы шамамен 8.8 млрд. теңгені құрады.
*деректер аудит жүргізілмеген, ХҚЕС бойынша шоғырландырылған
қаржылық есептілікке негізделген
цитата соңы
Осы баспасөз-хабарламасының толық нұсқасымен KASE веб-сайтында
http://www.kase.kz/files/emitters/CSBN/csbn_reliz_150212.pdf
мекен-жайы бойынша танысуға болады.