"ҚазМұнайГаз" ұлттық компаниясы" АҚ (Қазақстан) өзінің 2011 жылдағы қызметінің алдын ала нәтижелерін хабарлады
02.02.12 15:21
/KASE, 02.02.12/ – Облигациялары Қазақстан қор биржасының (KASE)
ресми тізімінде тұрған "ҚазМұнайГаз" ұлттық компаниясы" АҚ (Астана)
2012 жылдың 02 ақпанындағы баспасөз-хабарламасын биржаға ұсынып,
былай деп хабарлады:
цитата басы
Ағымдағы жылдың 2 ақпанында Астана қаласында Қазақстан
Республикасының мұнай және газ министрлігі мен «ҚазМұнайГаз»
(бұдан әрі – ҚМГ ҰК) АҚ кеңейтілген алқа отырысы болып өтті,
онда компанияның 2011 жылғы қаржы-шаруашылық қызметінің алдын
ала қорытындылары жасалды.
Жедел деректер бойынша, 2011 жылы мұнай және газ конденсатын
өндірудің шоғырландырылған көлемі 21,1 млн. тоннаны құрады,
бұл жоспардағыдан 5% және 2010 жылмен салыстырғанда 4% кем.
Есепті кезеңде табиғи газ өндіру 2,8 млрд. текше метрді құрады,
бұл жоспардағыдан 6% артық, 2010 жылғы көрсеткіштен 1,4% төмен.
Мұнайды магистралдық құбыр желілері арқылы тасымалдау 66,9 млн.
тоннаны құрады, бұл жоспардағыдан 4%, ал өткен жылмен салыстырғанда
2% артық.
Мұнайды теңіз көлігімен тасымалдау көлемі 9,3 млн. тоннаны құрады.
Бұл 2010 жылдың қаңтар-желтоқсан айларындағы көрсеткіштен 31% артық.
Есепті кезеңде 110,5 млрд. текше метр газ тасымалданды,
бұл жоспардағыдан 9% және 2010 жылғыдан 11% артық.
2011 жылдың қаңтар-желтоқсан айларында мұнай өңдеудің
шоғырландырылған көлемі ( соның ішінде The Rompetrol Group) 15,3 млн.
тонна мұнайды құрады, бұл өткен жылдың осындай көрсеткішінен 4% артық.
2011 жылы еліміздің үш мұнай өңдеу заводында 11,4 млн. тонна мұнай
өңделді.
Алдын-ала деректер бойынша, 2011 жылы КМГ-нің шоғырландырылған кірісі
2,8 трлн. теңгені құрады, бұл жоспарлы көрсеткіштен 26% және өткен
жылғы табыстан 25% артық.
Шоғырландырылған табыс көлемі 379,2 млрд. теңгені құрады,
бұл жоспардағы көрсеткіштен 115% және өткен жылғыдан 24% артық.
2011 жылдың қаңтар-желтоқсан айларындағы жедел деректер бойынша,
ҚМГ еліміздің бюджетіне салық және басқа да міндетті төлемдер түрінде
барлығы 517,5 млрд. теңге төледі, бұл бекітілген жоспардан 35% және
өткен жылдың осы мерзімімен салыстырғанда 23% артық.
2011 жылы ҚМГ ҰК компаниялар тобы бойынша жалпы сатып алу көлемі
1 594 млрд. теңгені құрады, оның 853 млрд. теңгесіне товарлар, 323 млрд.
теңгеге – жұмыстар, 417 млрд. теңгеге - қызметтер сатып алынды. Сонымен
бірге жалпы көлемде сатып алудың қазақстандық үлесі 746 млрд. теңгені
құрады, немесе бұл 47% деген сөз, товарларда - 37%, жұмыстарда -
52%, қызметтерді сатып алуда - 63 % болды.
цитата соңы