/KASE, 15.02.24/ – Акциялары Қазақстан қор биржасының (KASE) ресми
тізімінде тұрған "Эйр Астана" АҚ (Алматы) KASE-ге ұсынған 2024 жылдың
15 ақпанындағы баспасөз мәлімдемесінде былай деп хабарланады:
дәйексөздің басы
- "Эйр Астана" тобы бір мезгілде ел ішінде және шетелде үш биржада
акцияларды орналастырған алғашқы қазақстандық компания болып
табылады
- IPO процесіндегі жалпы тарту сомасы шамамен 370 миллион АҚШ
долларын құрады
- бөлшек инвесторлардан түскен өтінімдердің 97,8 % толық көлемде
қанағаттандырылды
Алматы, Қазақстан - "Эйр Астана" тобы (Топ), Орталық Азия және Кавказ
өңірлеріндегі парктің кірісі мен көлемі бойынша ең ірі авиакомпания, бүгін
жергілікті инвесторлардың көпшілік қатысуымен Қазақстан
Республикасындағы ең ауқымды жекешелендірудің, акцияларды бастапқы
жария орналастырудың аяқталғаны туралы хабарлайды.
Бұл бір мезгілде үш қор биржасында: Қазақстан қор биржасында, Astana
International Exchange және Лондон қор биржасында өткізілген алғашқы IPO.
IPO мәмілесінің жалпы көлемі шамамен 370 миллион АҚШ долларын
құрайды (қосымша орналастыру опционы толық орындалған жағдайда), бұл
топтың шамамен 847 миллион АҚШ долларын құрайды.
Топтың IPO-ға қатысу үшін берілген өтінімдер саны қазақстандық
инвесторлар тарапының, бөлшек және институционалдық, сондай-ақ
халықаралық инвесторлар қауымдастығының қолдауының арқасында
ұсыныстан асып түсті. Ұсыныстың 58 %-ы қазақстандық нарықта, 42 %-ы
халықаралық нарықта орналастырылды.
Қазақстандық нарықтағы жалпы сұраныс 483 миллион АҚШ долларынан
асты. Бөлшек инвесторлар Эйр Астана IPO-ға шамамен 216 миллион АҚШ
доллары сомасына 60 мыңға жуық өтінім берді. Бөлшек инвесторлардың
жалпы сұранысының шамамен 53 % қанағаттандырылды. Қазақстандық
институционалдық инвесторлар (зейнетақы қорын қоса алғанда) өз
тарапынан жалпы сұраныстың шамамен 38 %-н алды, ал халықаралық
инвесторлар орналастыру барысында олардың тарапынан жалпы
сұраныстың шамамен 25 %-н алды.
Әділ бөлуді қамтамасыз ету үшін 30 мың АҚШ долларына дейінгі сомаға
бөлшек инвесторлардың өтінімдері** қоса алғанда толық
қанағаттандырылды, ал бөлшек инвесторлардың өтінімдері бойынша қалған
сұраныс көлемі (30 мың АҚШ долларынан астам) ішінара
қанағаттандырылды (қалған акциялар мен ЖДҚ инвесторлар арасында
берілген өтінімдердегі сұраныс көлеміне барабар бөлінді). Нәтижесінде
бөлшек инвесторлардың өтінімдерінің 97,8 %-ы толық қанағаттандырылды.
IPO шеңберінде топ өсудің келесі кезеңін жеделдету үшін 120 миллион АҚШ
долларын жинады.
Қолданыстағы акционерлер - "Самұрық-Қазына" ұлттық әл-ауқат қоры"
акционерлік қоғамы және BAE Systems (Қазақстан) Лимитед қосымша
орналастыруға арналған опцион толық орындалған кезде өз үлесін тиісінше
41,0 % және 15,3 % - ға дейін қысқарта отырып, акцияларды (немесе
акцияларды білдіретін ЖДҚ) сатты.
* Акциялар бойынша бағасы 1073,83 теңге және одан жоғары, ЖДҚ
бойынша бағасы $9,5 және одан жоғары өтінімдер.
** ЖДҚ бойынша $30 мың және акциялар бойынша 13,5 млн теңге.
дәйексөздің соңы
Баспасөз мәлімдемесінің толық нұсқасы орналастырылды:
-
https://kase.kz/files/emitters/AIRA/aira_completion_ipo.pdf – орыс тілінде;
-
https://kase.kz/files/emitters/AIRA/aira_completion_ipo_en.pdf – ағылшын
тілінде.
[2024-02-15]