/KASE, 08.09.21/ – Облигациялары Қазақстан қор биржасының (KASE)
ресми тізімінде тұрған, "Қазақстанның Даму Банкі" АҚ (Нұр-сұлтан)
2021 жылдың 08 қыркүйегіндегі баспасөз мәлімдемесін Биржаға ұсынды,
онда былай деп хабарланады:
цитатаның басы
"Қазақстанның Даму Банкі" АҚ ("Бәйтерек" холдингінің еншілес құрылымы,
Банк, ҚДБ) қаржылық қолдауымен Шымкент қаласында метил-трет-бутил
эфирін (МТБЭ) өндіру зауытының құрылысы аяқталды. Жобаны "Шымкент
химиялық компаниясы" ЖШС ("ШХК" ЖШС) жүзеге асырады. Жаңа
кәсіпорынның өндірістік қуаты жылына 57 мың тонна МТБЭ құрайды, бұл
оған ішкі нарықтың қажеттіліктерін толық жабуға мүмкіндік береді.
"ШХК" ЖШС зауытын ресми іске қосу қазақстандық мұнай-химия саласының
сапалы жаңа деңгейге көшуін атап өтті, өйткені кәсіпорын жаңғыртылған
Шымкент мұнай өңдеу зауытында (ШМӨЗ) мұнай-газ химиясы шикізатын
өңдеу тереңдігін елеулі дәрежеде арттыруға мүмкіндік береді. Енді, өңірде
этилденбеген автомобиль бензиндерін алу кезінде пайдаланылатын
құрамында оттегі бар негізгі жоғары октанды компоненттердің бірі – МТБЭ
өз өндірісі жолға қойылғандықтан, мұнда евро-4 және евро-5 экологиялық
кластағы жанар-жағар май өндіріледі.
цитатаның соңы
Баспасөз мәлімдемесінің толық нұсқасы орналастырылды–
https://kase.kz/files/emitters/BRKZ/brkz_reliz_080921_1.pdf
[2021-09-08]