/KASE, 21.07.20/ – Жай акциялары Қазақстан қор биржасының (KASE) ресми
тізімінде тұрған, "АК Алтыналмас" АҚ (Алматы), Қазақстан қор биржасына
2020 жылдың 17 шілдесінде орыс және қазақ тілдеріндегі баспасөз
хабарламасын ұсынды:
цитата басы
«Алтыналмас АК» АҚ Қарағанды облысының «Ақтоғай» жобасында
орналасқан «Долинное» алтын өндіру фабрикасын (бұдан әрі – Долинное
АӨФ) өнеркәсіптік пайдалануға беруді жүзеге асырды.
Өндірісті пайдалануға беру жолындағы тағы бір қадам ҚР Экология,
геология және табиғи ресурстар министрлігінің 2020-2029 жылдарға
арналған қоршаған ортаға эмиссияларға рұқсатын (бұдан әрі - Рұқсат) алу
болды. Рұқсат шарттарына сәйкес компания өзіне Қазақстан
Республикасының Экологиялық заңнамасының; Рұқсаттың қолданылу
кезеңіне арналған эмиссиялардың, табиғат қорғау іс-шараларының
нормативті талаптарын сақтау жөніндегі міндеттемелерді алады.
Естеріңізге сала кетейік, жаңа фабриканың өндірістік қуаты жылына 2 500
000 тонна кен құрайды. «Долинное» АӨФ пайдалануға берілуімен
«Алтыналмас АК» АҚ Ақтоғай өндірістік алаңының кен өңдеу бойынша
жалпы қуаты жылына 5 200 000 тоннаға дейін, ал тау-кен массасын өндіру
бойынша жылына 50,000,000 тоннаға дейін артады.
CIP технологиясы бойынша «Долинное» АӨФ іске қосу-реттеу жұмыстары
ағымдағы жылдың 22 мамырында басталған. Қазіргі уақытта өндірісті
апатсыз және қауіпсіз іске қосу, сондай-ақ өндірісті жобалық көрсеткіштерге
шығару жұмыстары сәтті аяқталды, маусым айының басында АӨФ-те
салмағы 5,3 кг болатын бірінші құйма алтын шығарылды.
«Долинное» АӨФ «Алтыналмас АК» АҚ-ның соңғы 10 жылда салынған және
іске қосылған «Ақбақай» алтын өндіретін фабрикасы, «Пустынное» байыту
фабрикасы және «Altynalmas Technology» бағалы металдарды шығару
зауытымен қатар төртінші фабрика болды.
цитата соңы
Толық ақпарат –
https://kase.kz/files/emitters/ALMS/alms_reliz_170720_1.pdf
мекен-жайында жарияланған.
[2020-07-21]