/KASE, 09.04.15/ – Қазақстан қор биржасы (KASE) Индекстер мен бағалы
қағаздарды бағалау жөніндегі комитеттің 2015 жылдың 09 сәуіріндегі
шешімімен "БАСТ" АҚ (Шығыс-Қазақстан обл.) KZ1C59680013
(KZ1C00001015, KASE ресми тізімі, екінші санат, BAST) акциялары,
2015 жылдың сәуір-мамыр айларына қалыптастырылған, өтімділігі екінші
кластағы акциялардың тізіміне енгізілгені туралы хабарлайды.
Бұл шешім "Бағалы қағаздардың өтімділігі көрсеткіштерін анықтау
әдістемесі" атты KASE ішкі құжатының 3 тарауының 15 тармағына сәйкес,
аталмыш акцияларды әлеуетті өтімді деп санауға жеткілікті факторлардың
бар болуына байланысты, қабылданды.
"БАСТ" АҚ аталмыш акциялары Қазақстан қор биржасында 2015 жылдың
08 сәуірінде KASE сауда-саттық жүйесі арқылы 2015 жылдың
03 наурызынан 03 сәуіріне дейін өткізілген, саны шектелмеген тұлғалар
арасында жазылым (IPO) өткізу арқылы табысты орналастырылды.
Орналастыру нәтижелері KASE қайталама нарығында сауда-саттықтың 09
сәуірде өтетін салтанатты ашылуында жарияланып, KASE сайтында сағат
15:00 ALT жарық көреді.
Өтімділігі бірінші, екінші және үшінші кластағы акциялардың 2015 жылдың
сәуір-мамыр айына қалыптастырылған тізімдері KASE веб-сайтында
http://www.kase.kz/files/normative_base/liquid_2015_april_may.pdf мекен-
жайында жарияланған.
Бағалы қағаздардың өтімділік көрсеткіштерін анықтау әдістемесі
http://www.kase.kz/files/normative_base/metodika_liquid.pdf мекен-жайында
жарияланған.
[2015-04-09]