/KASE, 13.01.12/ – Бұрын хабарлағанымыздай, Қазақстан қор биржасы
(KASE) Биржалық кеңесінің 2011 жылдың 06 қазанындағы шешімімен
"Сауда-саттықтарды өткізу әдістемелері туралы қағида" (Қағида)
атты KASE ішкі құжатына # 7 өзгертулер мен толықтырулар (түзетулер)
бекітілді.
Түзетулерді Қазақстан Республикасы Ұлттық Банкі Қаржы нарығын және
қаржы ұйымдарын бақылау және қадағалау комитеті (ҚҰБ ҚҚК) 2011 жылдың
02 желтоқсанында келісімдеп, сауда-саттық жүйесіне тиісінше технологиялық
өзгерістер енгізілгеннен кейін күшіне енеді, бұл туралы қосымша хабарлама
жасалады.
Түзетулер сауда-саттықтарды өткізудің жаңа әдісін – жазылу әдісін
қолданысқа енгізуге байланысты енгізілді, бұл әдісте сатушы өз қалауы
бойынша сауда-саттық жүйесіне берілген кез келген өтінімді толық немесе
жартылай көлемде қанағаттандыруға құқылы, түзетулер осындай тәсілмен
сауда-саттықтарды өткізудің параметрлерін, күнін және уақытына қатысты
орын алды. Жазылу тәсілімен сауда-саттықтарды өткізу KASE жеке ішкі
құжатында сипатталған.
Бұған қоса, түзетулер арқылы:
- қайталама арнайы мамандандырылған сауда-саттықтар тәртібі реттеледі;
- келісім-шарттық мәмілелерді жасау мүмкіндігін болдырмау бойынша
шараларды анықталды;
- тізімі KASE Басқармасымен анықталған, бағалы қағаздар және Қазақстан
Республикасы Қаржы министрлігінің мемлекеттік ұзақмерзімді жинақтаушы
қазынашылық міндеттемелері (МЕУЖКАМ) бойынша өтінімдерді
қанағаттандыру тәртібі анықталды;
- арнайы мамандандырылған сауда-саттықтарда жасалған мәмілелер
бойынша орындалмаған міндеттемелер салдары анықталды.
Қағиданың жаңартылған мәтіні KASE веб-сайтында
http://www.kase.kz/files/normative_base/methods_kaz.pdf
мекен-жайы бойынша жарияланатын болады.